Dacks gestallte Froen
D'Äntwerten op dat, wat mir am dackste gefrot ginn. Är Fro ass net dobäi? Rufft einfach un.
Wat ass den Ënnerscheed tëscht Hëllef a Formatioun?
Bei der Hëllef bei Iech maache mir eppes fir Iech: Mir riichten an, flécken oder léisen e Problem. An enger Formatioun léiert Dir et selwer, op Ärem eegenen Apparat an an Ärem Tempo. Dacks verbanne mir allebéid.
Sinn ech net ze al, fir dat nach ze léieren?
Neen. Jiddereen kann alles léieren. Et brauch just een, deen sech Zäit hëlt a verständlech erkläert. Genee dat maache mir. Keen soll digital ausgeschloss ginn.
Kommt Dir wierklech bei mech heem?
Jo. Mir komme bei Iech heem, am ganze Land. Esou kënne mir direkt mat Ären eegenen Apparater schaffen an Iech alles do weisen, wou Dir se och duerno benotzt.
Wat kascht d'Hëllef?
Mir rechnen no Zäit of, e Besuch dauert mindestens eng Stonn. Rufft kuerz un a verzielt, ëm wat et geet. Da soe mir Iech virdrun, mat wat Dir rechne kënnt. Sammelt roueg e puer Froen fir een Termin. Méi dozou op der Säit Präisser.
Muss ech e Kontrakt oder en Abonnement ënnerschreiwen?
Neen. Et gëtt keen Abonnement a kee Kontrakt. Dir mellt Iech einfach, wann Dir Hëllef braucht.
Ech weess guer net genee, wat net geet. Kann ech trotzdeem uruffen?
Selbstverständlech. Dir musst näischt wëssen an näischt virbereeden. Beschreift einfach, wat geschitt. De Rescht fanne mir zesummen eraus.
Hëlleft Dir och séier, wann et dréngend ass?
Jo. Wann den Handy streikt, de Computer net start oder den Drécker virun engem wichtegen Termin net dréckt, probéiere mir, séier bei Iech ze sinn. Och um Weekend ass dat méiglech, mat Zouschlag. Wa mir telefonesch net direkt ze erreechen sinn, schreift eis einfach kuerz per WhatsApp, SMS oder E-Mail. Méi op der Säit Séier Hëllef.
A wéi enge Sprooche erkläert Dir?
Op Lëtzebuergesch, Däitsch, Franséisch an Englesch.
Mat wéi engen Apparater kennt Dir Iech aus?
Mat Smartphonen an Tabletten (iPhone, iPad an Android), Computeren mat Windows a Mac, Drécker, Fernseher, Lautsprecher, Kameraen, Staubsauger- a Méiroboter a villem méi. Frot einfach no.
Kënnt Dir mir och KI oder Facebook erklären?
Jo. Mir weisen Iech, wéi Dir ChatGPT an aner KI-Tools sënnvoll a virsiichteg benotzt, a wéi Dir op Facebook, Instagram oder YouTube matmaacht, ouni ze vill vun Iech preiszeginn.
Wat geschitt mat menge Fotoen, wann den Handy futti geet?
Ouni Sécherheetskopie kënne se verluer sinn. Dofir rode mir, wichteg Fotoen ëmmer op zwou Plazen ophiewen, zum Beispill zousätzlech op enger externer Festplack oder an der Cloud. Mir riichten dat gär fir Iech an.
Ass d'Cloud sécher?
Déi grouss Ubidder wéi Apple, Google oder Microsoft schützen Är Donnéeë gutt, wann Äre Kont e séchert Passwuert huet. Wie seng Fotoen net am Internet späichere wëll, hëlt eng extern Festplack. Mir erklären Iech allebéid Weeër, an Dir decidéiert.
Kann ech Hëllef fir meng Elteren oder Grousselteren ufroen?
Ganz gären. Vill Ufroe kommen vu Kanner oder Enkelkanner. Sot eis, ëm wat et geet a wien eise Kontakt op der Plaz ass. Méi dozou op der Säit Fir d'Famill.
Sinn meng Donnéeën a Passwierder sécher?
Är Passwierder, PIN-Coden a LuxTrust-Coden gitt Dir ëmmer selwer an. Mir kucken net an Är privat Messagen oder Fotoen, wann et net néideg ass, a behandelen alles, wat mir gesinn, vertraulech.
Solle mir laanscht kommen?
Rufft eis un oder schreift eis. Mir schwätze kuerz driwwer, ëm wat et geet, a fannen en Termin bei Iech doheem.